ارڏو اترادي
ارڏو اترادي
ارڏو اترادي: اديب، شاعر ۽ محقق ارڏي اتراديءَ جو اصل نالو ارصلاح ولد کوهدل باجڪاڻي آهي. 17 مئي 1949ع تي ڳوٺ گلوالي، تعلقي ڪنڌڪوٽ (هاڻوڪي تنگواڻي) ۾ پيدا ٿيو. ڳوٺ لشڪر خان بجاراڻي، شيران ڀيو ۽ ڪنڌڪوٽ هاءِ اسڪول ۾ تعليم حاصل ڪرڻ کانپوءِ مختلف نوڪريون ڪري 1975ع ۾ استاد مقرر ٿيو. 81-1980ع ۾ بي.ايڊ، 1985ع ۾ ايم.اي سنڌيءَ ۾ پاس ڪري 1988ع ۾ H.S.T ٿي 2009ع ۾ رٽائرڊ ٿيو. ارڏي اتراديءَ 1968ع کان شاعريءَ جي شروعات ”اول عاجز“ جي نالي سان ڪئي. سندس شاعري مزاحمتي ۽ انقلابي هئڻ ڪري دوستن جي اصرار تي هن پنھنجو تخلص ”ارڏو اترادي“ رکيو. پاڻ سٺو شاعر هئڻ سان گڏ ڪالم نويس ۽ محقق به آهي. سندس هن وقت تائين ڏهه ڪتاب ڇپيل آهن، جن جو وچور هيٺين ريت آهي: (1) جنگ جو اعلان (شاعري- 1988ع)، (2) ياد توکي ڪريان (شاعري 2007ع)، (3) تاريخ ۽ اسان - (تاريخ ۽ انٿالاجي نثر 2011ع)، (4) ڪشمور ضلعي جي تاريخ- (نثر 2013ع)، (5) تون مونکي ماري سگهندين- (شاعري 2014ع)، (6) تاريخ جا پيرا-(نثر ۽ نظم 20017ع)، (7) سڄڻ ۽ ساڻيهه- (يادگيريون 2018ع)، (8) ساڃهه بنا ڪهڙي سنڌ- (نثر 2018ع)، (9) ميمڻ عبدالغفور سنڌيءَ جون ادبي خدمتون، (بي . ايڊ ۾ مونو گراف 1981ع) جيڪو ڪاٺياواڙي ۾ ترجمو ٿي ڇپيو.
لفظ ارڏو اتراديھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1949.05.17 عيسوي
ارڏي اتراديءَ جو اصل سندس اصل نالو ارصلاح ولد ڪوهدل باجڪاڻي آهي . 17 مئي 1949ع تي ڳوٺ گلواڻي تعلقي ڪنڌڪوٽ ۾ پيدا ٿيو
شخصيتون - ڀاڱي جون ٻِيون داخلائون
عبدالستار ميمڻصوفي لعل بخش ڪانڌڙو
جوکيو محمد الياس
بادو درويش
عذرا سرور ڪنڌر
چانڊيو محمد باقر خان
پريـم پارڪـري پـارو مل پريمي
سوڀو ڀڳت
روبينا قريشي
اڪبر حسين راشدي